Таллахассидегі Флорида штатының университетінің кампусында атыс болып, бір адам қаза тапты, деп хабарлайды BAQ.KZ.
Куәгерлердің айтуынша, 20-30 секунд ішінде 15-ке жуық оқ естілген.
Кампус жабылды, атқышты іздеу жалғасуда. Университет басшылығы студенттерді баспана іздеуге және нұсқауларды күтуге шақырды.
Әлеуметтік желіде жарияланған видеоларда полиция қызметкерлерінің студенттерді эвакуациялағаны көрсетілген. Жастар қолдарын көтеріп жүреді.
Таллахасси мемориалдық денсаулық сақтау мекемесі алты жаралы адамды қабылдағанын, олардың біреуі ауыр халде екенін айтты. Құқық қорғау органының өкілі атыс кезінде бір адамның қаза тапқанын хабарлады.
Президент Дональд Трамп журналистерге жағдайды білетінін айтты.
Бұл масқара. Мұндай жағдайлардың орын алуы қорқынышты, - деді ол.
