9 және 10 қаңтарда Қаскелең қаласындағы SDU базасында мамандандырылған білім беру ұйымдарының оқушыларына арналған РОБОТТАР ФЕСТИВАЛІ өткізілді, деп хабарлайды BAQ.KZ.
Жарыстың ұйымдастырушылары – Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы және USTEM Robotics қоғамдық қоры. Фестивальге робототехникамен айналысатын 400 оқушы қатысты.
Фестиваль FIRST халықаралық ережелері бойынша үш санатта FLL Explore (6-10 жас аралығында), FLL Challenge (10-16 жас аралығында) және FTC (12-18 жас аралығында) өткізілді. Бұл концепция балалардың инженерия ғылымдары саласында үздіксіз дамуы үшін қажет.
Фестиваль қорытындысы бойынша барлық қатысушылар сертификаттармен, жеңімпаздар мен жүлдегерлер «Дарын» республикалық ғылыми-практикалық орталығының I, II, III дәрежелі дипломдарымен марапатталды.
Сондай-ақ, 17 команда келесі жетістіктерге жетті: Сондай-ақ, ағымдағы жылдың ақпан айының соңында Астана қаласында өтетін «FIRST Robotics» Орталық Азия чемпионатына қатысу құқығына ие болған 17 команда анықталды.
Олар: FIRST Tech Challenge байқауы бойынша:
•Sipinine – Көкшетау қаласы «Білім-инновация» лицейінің командасы;
•UNO – Алматы қаласының №124 мектебінің командасы;
•The Echoes - Алматы қаласының №124 мектебінің командасы;
•Driver F1 – Алматы қаласының №39 лицейінің командасы;
•BIL barbie – Алматы қаласының дарынды қыздарға арналған «Білім-инновация» лицейінің командасы;
•Spark team – Ақтау қаласының «Білім-инновация лицей-интернаты» командасы;
•Point – Алматы қаласының №208 мектеп-гимназиясының командасы. Дәл осы санат нәтижесі бойынша 9-10 наурызда Кипр мемлекетінде өтетін ашық чемпионатқа лицензия иегерлері:
•Zhamakaev 145 – Алматы қаласы Назарбаев Зияткерлік мектебінің ФМБ командасы; •Sana team – Алматы қаласының «Білім-инновация» лицейінің командасы;
•Queue Team – Алматы қаласының «Білім-инновация» лицейінің командасы;
•PID – «Alem Innovation Centre» мектебінің командасы; Ал FIRST LEGO League Challenge байқауының нәтижесі бойынша келесі командалар жеңді:
•Endeavour – Ақтөбе қаласының «Білім-инновация» лицейінің командасы;
•Tolebi – Түркістан облысының Төлеби ауданы «Дарын» мектеп-интернатының командасы;
•SkyLight – Тараз қаласының «IT lyceum» командасы;
•Armada – Тараз қаласының «IT lyceum» командасы;
•QSTEM STARS – Алматы қаласының «TAMOS EDUCATION» мектебінің командасы;
•Vegapunk – «Fiztex school» мектебінің командасы.
