Нұр-Сұлтан, BAQ.KZ тілшісі. Финляндияның Ішкі істер министрлігі COVID-19 салдарынан басқа елдермен, соның ішінде Ресеймен шекарадағы шектеулерді 10 қазанға дейін ұзартты. Бұл туралы ведомствоның сайты хабарлады.
Бұл шешім жергілікті Ішкі істер министрлігінде түсіндірілген сырқаттану деректерін ескере отырып, сол жерде қабылданды. Сонымен қатар министрлік «Вакцинамен қамтамасыз етудің қолжетімділігі әлі де жеткіліксіз дәрежеде бағаланбағанын және денсаулық сақтау жүйесінің шамадан тыс жүктелу қаупі сақталатынын» атап өтті.
Осы орайда Финляндия билігі «Шекарадағы шектеулер туралы» шешімді 2021 жылдың 2 қыркүйегінен 2021 жылдың 10 қазанына дейін ұзарту керек деп шешті.
Ведомствоның хабарлауынша, қазір Еуропалық дәрі-дәрмек агенттігі (EДA) немесе Дүниежүзілік денсаулық сақтау ұйымы мақұлдаған COVID-19-ға қарсы ағылшын-шведтік AstraZeneca, қытайлық Sinovac және Sinopharm, Moderna және американдық Pfizer/BioNTech препараттары, сонымен қатар, Johnson & Johnson вакциналарының толық курсынан өткендердің бәрі Финляндияға кіре алады.
Ал «Спутник V» вакцинасын алғандар Финляндияға әзірше кіре алмайды. Өйткені EДA және ДДСҰ тізімдерінде ресейлік вакцина жоқ.
Қазір Ростуризмнің мәліметтері бойынша, Ресейден Финляндияға тек туыстары елде тұрақты тұратын азаматтардың отбасы мүшелері, сондай-ақ, дипломаттар, қызметтік төлқұжаттар немесе іссапар куәліктерінің иелері кіре алады. Сонымен қатар Финляндияға отбасымен бірге осы елде жылжымайтын мүлікке ие адамдар кіре алады.
Финляндия үшінші елдердің азаматтары үшін, соның ішінде, ресейліктер үшін шекараны 2020 жылдың көктемінде пандемияға байланысты жауып тастады. Осыдан кейін бұл шаралар бірнеше рет ұзартылды.
