Евсеев Украинаның бірінші ракеткасын жеңіп, іріктеу финалына жақындай түсті

Нұр-Сұлтан, BAQ.KZ. Қазақстандық Astana Open ATP 250 іріктеу кезеңінің бірінші айналымында украиналық Илья Марченконы екі сетте жеңді, деп хабарлайды Қазақстан теннис федерациясының баспасөз қызметі.

Өткен жылы Қазақстанның астанасында Денис Евсеев іріктеу турнирі аясында аустралиялық Марк Полманстан үш сетте ұтылған еді. Бірінші сетте партияны өз пайдасына алу үшін екі брейк жеткілікті болды, есеп: 6:4. Екінші сеттің басында Денис қарсыласының доп бергені кезінде үш брейкке ие болды, Марченко біріншісін өз пайдасына шеше алса, екіншісін Евсеев қанжығасына басып, есепте алға шықты. Келесі кезекте қарсыластар қателікке бой алдырған жоқ, ал қазақстандық сенімді түрде жеңіске жетті сетте де, кездесуде де есеп 6: 4, 6: 4 болды. Турнирдің негізгі ұтыс ойынына жету үшін Денис австралиялық өткен жылы өзі жеңілген Марк Полманспен немесе итальяндық Джанмарко Моронимен ойнайды.

Мен қатаң тактика ұстандым. Илья - өте тұрақты ойыншы, ол баппен ойнай бастаса оған тепе-тектік сақтауға жол бермеу керек. Мен оны артқы сызықта ұстап, оңға қарай жүгіруге жол бермедім, сөйтіп басымдықты қолыма алуым керек еді, артынша оң жақта өз әмірімді жүргіздім. Әдеттегідей біздің турнир жоғары деңгейде өтеді. Мен Қазақстан Теннис федерациясының осындай жағдай жасағанына ризамын. Қазақстан теннисте әлемнен кенже қалған жоқ, жыл сайын жер шарының түкпір -түкпірінен мықты ойыншылар келіп, үздік теннис көрсетеді, - деді Денис Евсеев.