Ерлан Саиров: Маңғыстауда газ бағасын 85 теңгеге дейін төмендетуге шешім қабылданды

3 Қаңтар 2022, 15:09
1353
Бөлісу:
Ерлан Саиров: Маңғыстауда газ бағасын 85 теңгеге дейін төмендетуге шешім қабылданды

Нұр-Сұлтан, BAQ.KZ. Баға дәліздерін белгілеу арқылы бағаның ұзақ мерзімді тұрақтылығын қамтамасыз ету және газ бағасының алыпсатарлық көтерілуіне жол бермеудің жүйелі шаралары жүзеге асырылады. 

Бұл туралы Мәжіліс депутаты Ерлан Саиров Facebook-тегі парақшасында жазды.

ҚР Премьер-министрі А. Маминнің өкімімен Маңғыстау облысындағы әлеуметтік-экономикалық жағдайды қарастыру үшін Үкіметтік комиссия құрылды. Мемлекет басшысының тапсырмасын орындау мақсатында Үкімет сұйытылған мұнай газының бағасын реттеу бойынша шаралар топтамасын іске асырады, – деп жазды депутат.

Оның айтуынша, Бәсекелестікті қорғау және дамыту агенттігі АЖҚС иелеріне қатысты бағалық сөз байласу бойынша тергеу басталды.

Қазіргі уақытта Маңғыстау облысының АЖҚС иелері бизнестің әлеуметтік жауапкершілігі аясында бастамашылық тәртіппен газ құнын литріне 120 теңгеден 85-90 теңгеге дейін төмендету туралы шешім қабылдады.

Баға дәліздерін белгілеу арқылы бағаның ұзақ мерзімді тұрақтылығын қамтамасыз ету және газ бағасының алыпсатарлық көтерілуіне жол бермеудің жүйелі шаралары жүзеге асырылатын болады. Бізге дәл бүгін бірлік, ынтымақ, сабыр қажет. "Сабыр түбі сары алтын!". Сабыр сақтайық, Ағайын!, – деді Мәжіліс депутаты Ерлан Саиров.

Өзгелердің жаңалығы