Енді елордада автобустың жол ақысын банк картасымен төлеуге болады

12 Ақпан 2024, 20:01
535
Бөлісу:
Енді елордада автобустың жол ақысын банк картасымен төлеуге болады
Фото: «City Transportation Systems» ЖШС баспасөз қызметі

Астана қаласының қоғамдық көлігінде жол ақысын бес әдіспен төлеуге болады, деп хабарлайды BAQ.KZ "City Transportation Systems" ЖШС сілтеме жасап.

Жаңа төлем жүйесіне өтуге байланысты, QR, көліктік карта, Bluetooth төлем түрлеріне NFC және банк картасымен төлеу мүмкіндігі қосылғанын мәлімдейді.

Автобустағы жол ақысын банк картасымен немесе NFC технологиясын қолдайтын ұялы телефон, қол сағаты, білезік және т.б. құралдармен төлеуге болады.

Жаңа опцияларды пайдалану үшін автобус салонындағы планшетке банк картасын немесе NFC құрылғысын тигізіп, төлемнің сәтті өткені туралы белгіні күту керек.

Төлемді Visa және Mastercard банк карталарының барлық түрлерімен жасауға болады. Бұдан бөлек, жолаушылар жолақысын Google Pay, Apple Pay және Samsung Pay смарт-технологиялар арқылы төлей алады.

Айта кету керек, банк картасымен төлем жасау тестік режимде қолжетімді болған еді. Қаңтар айында аталған тәсілмен 87 мың рет жолақы төленген.

Өзгелердің жаңалығы