Нұр-Сұлтан, BAQ.KZ. Елордада үлкен теннистен ерлер мен әйелдер арасындағы Қазақстан чемпионаты аяқталды.
Әйелдер арасындағы финалдық бәсекеде Гозал Айнатдинова мен Жібек Құламбаева кездескен болатын. 3 сағат 24 минутқа созылған тартысты матчта 5:7, 7:6, 6:3 есебімен Жібек Құламбаева жеңіске жетті.
Ерлер арасындағы ақтық сында алматылық Денис Евсеев пен Тимофей Скатов жолығып, Тимофей өз мансабында алғаш рет Қазақстан біріншілігінің алтын медалін жеңіп алды.
