Елордада металл сынықтары жайында «PRO Lom 2022» жыл сайынғы конференциясы өтті, деп хабарлайды BAQ.KZ тілшісі.
Салалық конференцияға Қазақстан, Ресей және Қырғызстанның 20 қаласынан 100 қатысушы келді. Оның ішінде қара және түсті металдардың сынығы мен қалдықтарын дайындаумен, өңдеумен, сатумен айналысатын ірі компаниялардың өкілдері бар.
Конференция елімізде алғаш рет өткізіліп отырғанына қарамастан, оған қатысушылардың көбі бір-бірін жақсы таниды. Сынық дайындаушылардың салалық форумдарын өткізу дәстүрі 2019 жылы Ресейде басталды. Оның бастамашы «Сібір және Қиыр Шығыс сынықтарын дайындаушылар қауымдастығы» (АПЛ «Про Лом») сынық дайындаушылар қауымдастығы болды. Осылайша, төрт жылда бес салалық кеңес өтті. Оған металл сынықтары өнеркәсібінің өкілдері қатысты. Кездесулерде өткір де өзекті мәселелер талқыланды. Конференцияның форматы мәселелерді талқылауға ғана емес, сонымен қатар саланы дамытуға бағытталған шешімдерді әзірлеуге мүмкіндік береді.
Нұр-Сұлтандағы PRO Lom конференциясы, ресейлік әріптестердің, Қазақстандағы «PRO Lom-KZ» сынықтарын өңдеушілер қауымдастығы және «SGMK-KZ» ЖШС қолдауымен өтті.
Қауымдастықтың өзі нарық субъектілерінің күш-жігерін біріктіру, Қазақстанның металл сынықтары өнеркәсібін дамыту мәселелерін шешу, сондай-ақ Қауымдастық мүшелері арасында жаңа әдістер мен технологиялар алмасу мақсатында құрылған.
Конференцияда Қазақстанның бөлшек нарығына қатысушылар осы жылдың мамыр айында күшіне енген қара және түсті металдардың сынықтары мен қалдықтарын экспорттауға уақытша тыйым салу туралы айтты.
Бүгінде металлургияның стратегиялық шикізаты болып табылатын сынықтарды дайындау саласы қатты қысымға ұшырап отыр. Қазақстанда сынық жетіспейді, металлургия кәсіпорындары толық жүктелмеген.
Бұл ретте шикізат шетелге шығарылып, одан бірнеше есе қымбат тұратын дайын өнім түрінде республикаға қайтарылып отыр. Сонымен қатар шарада саланы көлеңкелі сектордан шығаруға мүмкіндік беретін лицензиялауды енгізу және қолма-қол ақшасыз төлемдерге көшу қажеттігі талқыланды. Сондай-ақ Қазақстанның әрбір тұрғыны үшін маңызды мәселе – экологиялық қауіпсіздік мәселесі көтерілді.
«PRO Lom» қауымдастығының төрағасы Денис Краевтың айтуынша, келіссөздердің нәтижесінде ғана дұрыс шешім қабылдауға болады.
Экология туралы айтатын болсақ, біздің қауымдастықтың басты мақсаты - экологиялық өндірісті көрсететін саланы әзірлеу. Менің ойымша, металлургия саласының алғашқы шебінде тұрған шекарашылар сияқтымыз. Біз тек бір зауыттың аясында емес, кеңінен жұмыс істейміз. Бізде де өндірістік үрдістер жүреді. Бірақ оның салмағы ауыр. Сондықтан сала туралы айтқанда біз міндетті түрде экологияны да айтуымыз керек, - деді Краев.
Оның айтуынша, Қазақстанда сынық металдардың даму белесі бар.
Ол Ресейде сияқты болуы міндетті емес. Мұнда өзіндік тәртіп, өзіндік әлеует пен ереже бар. Нарық өзінің жеке бағыты бойынша дамуы керек. Сондықтан біз Ресей мен Қазақстандағы сынықтарын бөлеміз. Бұл екеуі бір-біріне тәуелсіз тұрғыда дамуы керек. Қазақстанда бұл саланың басында ресейліктер емес, қазақстандықтар тұруы керек, - деді ол.
Тепе-теңдікті сақтау мен дұрыс басымдықтарды қалай орнатуға болады? Шектеулер көмектесе ме? Ал сынық дайындаушылар осы қиын жағдайда қалай өмір сүре алады? Осы және көптеген басқа өнеркәсіп үшін өзекті тақырыптар Нұр-Сұлтан қаласындағы PRO Lom конференциясы кезінде талқыланды.
Қауымдастықтың Қазақстандағы жетекшісі Дмитрий Спиридонов сынықтарды жинау мәселелері туралы айтты.
Қазақстандағы металлургиялық зауыттар сапалы шикізатқа тапшылық және оны қайта өңдеуге қосымша шығын көріп отыр. Сыртқы сатып алушылар Қазақстаннан шыққан бөлшек сынықтарының сапасына сын айтуда. Сынықтарды өңдеу мен өндірумен айналысатын кәсіпкерліктер өнімді сапалы әзірлеу мүмкіндігіне ие болуы керек. Ол үшін заманауи техника мен технологиялар қажет, - деді Дмитрий Спиридонов.
Конференция қорытындысы бойынша саладағы жағдайды жақсарту үшін бірлесіп жұмыс істеу қажеттілігі туралы шешімдер қабылданды – бұл үшін қатысушылар PRO Lom-KZ қауымдастығына бірігеді.
PRO Lom 2022 салалық конференциясы Қазақстанда алғаш рет өткізіліп отыр. Бұл елордада Қазақстан мен Ресейдің кәсіпқой қоғамдастығы өкілдерінің ашық диалогы үшін тамаша коммуникациялық алаң екені анық. Оны дәстүрге айналдыру көзделіп отыр.
Қатысушылардың пікірінше, жұмыс пен үкіметаралық қарым-қатынастағы қажетсіз кедергілерді жою маңызды сәт болды, бұл Кеден одағы аясында металл сынықтары өнеркәсібі өкілдерінің өзара тиімді ынтымақтастығына ықпал ететіні анық.
