Елордада мектептерге бомба қойылды деген хабарлама келіп түсті
24 Мамыр 2021, 18:50 4637

Елордада мектептерге бомба қойылды деген хабарлама келіп түсті

Нұр-Сұлтан, BAQ.KZ. Елордалық мектептерге бомба қойылғаны туралы жалған хабарлама келіп түсті, деп хабарлады Polisia.kz. 

Бүгін белгісіз адамдардың жарылғыш зат қойылғаны туралы білім беру мекемелерінің электронды пошталарына хат жолдағаны туралы полицияның «102» арнасына бірнеше шақырту келіп түскен.  

Қазіргі кезде мектептердің аумағынан адамдарды көшіру аяқталды. Жарылғыш зат табылған жоқ. Аталған факті бойынша сотқа дейінгі тергеп-тексеру басталды. Жедел-іздестіру іс-шаралары жүргізілуде. Нұр-Сұлтан қаласының Полиция департаменті жарылғыш зат қойылғаны туралы көрінеу жалған хабарлама үшін қылмыстық жауапкершілік қарастырылғанын ескертеді. Азаматтардан дүрбелең тудырмауды және мессенджерлерде жалған хабарламаны таратпауды сұраймыз, - делінген ведомство хабарламасында.


Фото: ашық дереккөз
Загрузка...