Елордада көмірді қай орындардан сатып алуға болады

" "" Астанада 11 қойма (тұйық) бар, онда қала тұрғындары үшін көмір сататын 14 орын бар, деп хабарлайды BAQ.KZ қала әкімдігіне сілтеме жасап.

Олар тиісті инфрақұрылыммен және тиеу-түсіру техникасымен толық жабдықталған. Бұл орындарда 9 сатушы компания қызмет етеді.

Олар мына мекенжайларда орналасқан: Герцен көшесі 4/1, Герцен 6/2, Көктал 28/1, Мақат 40, Жамбыл Жабайұлы 76, Ахмет Жұбанов 35, Дулатов 182/1, 85 (ЖЭО ауданы-3), 70-өткел, 9А көшесі, Герцен 6б, Қарағанды тас жолы ("Магнум" супермаркетінің арт жағы), - делінген хабарламада.

Қазіргі уақытта Астанада көмірдің орташа бағасы төмендегідей:

Шұбаркөл – тоннасына 16 400 тг;
Қаражыра – тоннасына 17 400 тг;
Майкөбе – тоннасына 13 500 тг.

Қалада "109" нөмірі бойынша жедел желі жұмыс істейді, онда көмірдің сату орындарында болуы, бағасы туралы қажетті ақпарат беріледі.