Нұр-Сұлтан, BAQ.KZ. Премьер-министрдің орынбасары Бердібек Сапарбаев пен елорда әкімі Алтай Көлгінов №88 жаңа мектеп-лицейіне барды. Оқу орны 1200 орынға есептелген, №75, №84 және №85 мектептердің шамадан тыс жүктелуі мәселесін шешуге мүмкіндік береді.
Жаңа мектептің жұмысымен танысу барысында "Әр бала мектепке лайықты" жобасының іске асырылуы таныстырылды. Мектеп-лицейде ерекше қажеттіліктері бар балаларды қолдау мақсатында инклюзивтік кабинет ашылды.Оқушылар жалпы топтарда құрдастарымен тең дәрежеде білім алады. Күн сайын балаға қажетті жеке көмек көрсетіледі, - деді "Болашақ" корпоративтік қоры кеңесінің төрайымы Динара Шайжүнісова.
№ 88 мектеп-лицейінің инклюзивтік кабинеті халықаралық компаниясының демеушілік қаражат есебінен қаржыландырылды. Бұл қордың "әр бала мектепке лайықты" жобасы аясындағы алтыншы кабинеті.
Премьер-министрдің орынбасары Бердібек Сапарбаев әлеуметтік жобаларды іске асыруда, атап айтқанда ерекше қажеттіліктері бар балаларды қолдауға бағытталған мемлекеттің, қоғамдық ұйымдар мен шетелдік кәсіпорындардың тығыз өзара байланысының маңыздылығын атап өтті.
Елорда әкімі Алтай Көлгінов жаңадан ашылған мектеп оқушыларымен кездесті.
Сіздер оқитын мектеп жетекші мектердің бірі болып табылады. Білім алу үшін еңбек етіңіздер, ал біз өз тарапымыздан барлық жағдайды жасаймыз, "Шеврон" компаниясына қолдау көрсеткені үшін алғыс білдіремін, - деп атап өтті Алтай Көлгінов.Сондай-ақ, қала әкімі инклюзивтік кабинеттердің қаланың басқа мектептерінде де ашылатынын атап өтті. Ата-аналар да алғысын білдіріп, аталмыш инклюзивтік кабинеттердің маңыздылығын атап өтті.
Сондай - ақ, №88 мектеп-лицейінде гидропоника кабинеті ашылды. Технология көмегімен мектеп оқушылары өздері өсімдік өсіре алады. Сонымен қатар оқушылар физика мен химия пәндері бойынша тәжірибе жасай алатын зертхана кабинеті ашылды. Мұғалімдермен әңгіме барысында вице-премьер Елбасы мен президенттің тапсырмасы бойынша педагогтардың мәртебесін арттыру бойынша нақты шаралар қабылданғанын атап өтті.
Мемлекет білім беру саласын дамытуға және балаларды қолдауға ерекше көңіл бөледі. Бүкіл ел бойынша жаңа заманауи мектептер салынып жатыр, мұғалімдердің жалақысы артып, жұмыс жағдайы жақсаруда. Ұрпақтың білімді, сауатты және тәрбиелі болып өсуі үшін барынша күш салуыңыз керек, - деді Бердібек Сапарбаев.
