Нұр-Сұлтан, BAQ.KZ тілшісі. Елорданың жеке сот орындаушысы борышкер Н. есімді азаматқа атқару құжаттарын орындау кезінде өміріне қауіп төндіргені үшін полиция бөліміне қылмыстық жауапкершілікке тарту туралы арыз берген.
Нұр-Сұлтан қаласы жеке сот орындаушысы Т.-ның қарамағында борышкердің 196 545 теңге және банк пайдасына 358 728 теңге өндіру туралы 17 әкімшілік айыппұл өндіру туралы іс бар.
ЖСО сот қаулыларын орындау үшін барлық мүмкін шараларды қабылдады, борышкерге қатысты қажетті қамауға алу бойынша барлық шектеу белгіленді. Ол 2020 жылдың қазан айынан бастап жауапкершіліктен жалтарып келген. Атқару құжаттарын орындау мақсатында «ВАЗ 2115» маркалы автокөлікті тәркілеу туралы қаулы шығарылған.
Ескерту: Видеода бейәдеп сөздер айтылады.2021 жылдың 26 қазанында жергілікті уақыт бойынша сағат 08.45-те сот орындаушысы борышкердің тұрғылықты жеріне барады. Жеке сот орындаушы жолдың жиегінде тұрған борышкердің көлігін байқайды, - дейді Нұр-Сұлтан қалалық ЖСО аймақтық палатасы басшысының орынбасары Мәдина Жанасаева.
Нұр-Сұлтан қалалық ПБ ЖПБ-ның «Сергек» жол-бақылау жүйесі есепке алған нұсқауына сәйкес, аталған көлікте борышкер жол қозғалысы ережелерін бұзған.
Полиция қызметкерлерінің қатысуымен автокөлікті тәркілеу кезінде борышкер агрессивті мінез-құлық танытып, ЖСО талаптары бойынша көлікті өз еркімен беруден бас тартқан.
Осыдан кейін ол үйге кіріп темір балтамен сыртқа шығып, жеке сот орындаушы мен полиция қызметкерлеріне шабуыл жасаған. Бұл әрекет бейнетаспаға жазылып қалған. Сол кезде полиция қызметкерлері оны жеке басты қорғауға арналған бұрыш сепкішінің көмегімен ұстап, полиция бөліміне жеткізді, - деп жалғастырды Жанасаева.
ЖСО борышкер Н есімді борышкерге өміріне қауіп төндіргені және қол сұққаны үшін Полиция басқармасына арыз жазды.
Полицияның кезекші қызметкерлері айғақ ретінде «балтаны» алды.
Тағы бір айта кетерлігі, борышкерге қатысты қаланың қалған төрт үкіметтік емес ұйымынан 105 631,54 теңге сомасында мемлекет кірісіне өсімпұлды және салық берешегін өндіру әлі де бар.
Осылайша, құқық бұзушы борышкер Н.-ға қатысты мемлекетке жалпы сомасы 302 176,54 теңге және банк пайдасына 358 728 теңге айыппұл, салық берешегін өндіру туралы 21 іс бар.
