Елордада Армениядан келген көліктерді тіркеу жексенбіде де жүргізіледі

24 Тамыз 2020, 14:52
1557
Бөлісу:
Елордада Армениядан келген көліктерді тіркеу жексенбіде де жүргізіледі

Нұр-Сұлтан, BAQ.KZ. Бұл елден әкелінген көліктер бір апта ішінде тіркелуі керек, деп хабарлады елорда әкімдігінің ресми сайты.

Армениядан қазақстандықтарға 2020 жылдың 1 ақпанына дейін жеткізілген көлік бір апта ішінде тіркелуі керек, өйткені оларды уақытша тіркеу келесі айдан бастап аяқталады. Нұр-Сұлтанда армян көліктерін жексенбіде де тіркеуге болады.

Армения Республикасынан әкелінген көлік иелеріне қолайлы жағдай жасау үшін уәкілетті орган ХҚКО-мен бірлесіп, жексенбіде аталған көліктерді қабылдауды және тіркеуді жүзеге асырады, – деді қалалық Әкімшілік полиция басқармасы.

Нұр-Сұлтандағы халыққа қызмет көрсететін мамандандырылған орталықтар дүйсенбіден сенбіге дейін 09:00 мен 17:00 уақыт аралығында, ал жексенбіде 09:00-ден 15:00-ге дейін жұмыс істейді.

Сондай-ақ, қазіргі уақытта Қазақстанға 2020 жылдың 1 ақпанына дейін импортталған қайта жабдықтау жүргізілген көлік құралын тіркеу жүргізілуде.

Сонымен қатар, егер көлік құрылымының қауіпсіздігі туралы сертификаттың орнына, VIN кодында 17 таңбадан аз болса, көлік құралының қауіпсіздігін тексеру туралы хаттама жіберуге болады. Бүгінгі таңда сіз Алматы және Қостанай қалаларында техникалық жағдайды тексеріп, көлік қауіпсіздігі туралы құжат ала аласыз. Бұл «НаЦЭкС» ЖШС Қостанай филиалының тестілеу орталығы және «ҒЗО» Алматы-Стандарт ЖШС тестілеу орталығында» жүзеге асады, - деді қалалық Әкімшілік полиция басқармасының өкілдері.

Уәкілетті органның хабарлауынша, жақын арада елордада көлік құралдарының қауіпсіздігін тексеру үшін, тестілеу және хаттамаларды шығару үшін зертханалар ашу жоспарлануда.

Өзгелердің жаңалығы