Нұр-Сұлтан, BAQ.KZ тілшісі. Бұл туралы ҚР Президенті жанындағы ОКҚ-да «Елорда - өнер өлкесі» шарасы туралы өткен брифингте ҚР Мәдениет және спорт вице-министрі Нұрғиса Дәуешов айтты.
«Елорда - өнер өлкесі» шығармашылық кездесуі аясында Қазақстан, Өзбекстан және Қырғызстан театрларының ұжымдары елорда тұрғындарына мерекелік тарту ұсынады. Бұл театрлық шара бауырлас елдердің мәдениетін нығайтуға ықпал етеді деген ойдамыз, - деді Дәуешов.
Вице-министр атағандай, Ұлттық ұлан ән-би ансамблі орындауындағы «Жеңіс жалауын» тұңғыш рет театрда сахналайды.
Кездесуді Қуанышбаев атындағы театрдың әзірлеген «Бопай ханым» спектаклінің премьерасымен аяқтаймыз. Театр күндері 10 күнге жалғасады. Басты мақсат – елімізде салынып жатқан театрлардың біліктілігін арттырып, көрерменге руханы азық сыйлау, - деді Нұрғиса Дәуешов.Бұған дейін Нұрғиса Дәуешов үш елдің театрлары шығармашылық кездесу өткізетінін мәлімдеді.
