Елорда МӘМС қорына төлем енгізуде көш бастап тұр

10 Қазан 2019, 08:50
1677
Бөлісу:
Елорда МӘМС қорына төлем енгізуде көш бастап тұр
Фото: BAQ.KZ

Нұр-Сұлтан, BAQ.KZ. 2019 жылдың 30 қыркүйектегі көрсеткішіне сәйкес Нұр-Сұлтан қаласы Міндетті әлеуметтік медициналық сақтандыру қорына 26,5 млрд теңге аударды, деп хабарлайды елорда әкімдігінің ресми сайты.

Қордың мәліметіне сәйкес, астана міндетті медициналық төлемдерді аудару бойынша көш басында. Бүгінгі күні оның сомасы 26,5 млрд теңге. Міндетті әлеуметтік медициналық сақтандыру туралы заңға сәйкес, қорға төлем тек жұмыс берушілерден ғана төленеді.

Сондай-ақ өзін-өзі жұмыспен қамтушылардан бірреттік жиынтық төлемі енгізіледі. БЖТ әлеуметтік қамтамасыз ету жүйесімен қамту үшін және ресми тіркелмеген өзін-өзі жұмыспен қамтушыларды МӘМС жүйесіне тарту болып табылады.

Бір реттік жиынтық төлемінің көлемі республикалық маңызы бар қалалар мен облыс орталықтары үшін 1 айлық есептік көрсеткішті, ал басқа елді мекендер үшін 0,5 АЕК құрайды. 2019 жылдың 30 қыркүйектегі көрсеткіші бойынша, Қазақстан бойынша БЖТ бойынща 144 мың адамнан 207,3 млн теңге сомасында түсім түсті.

Нұр-Сұлтан қаласы бойынша 3 мың адам 35,5 млн теңге аударды. МӘМС қорына түскен қаржының барлығы сенімді басқару келісімі жасалған Ұлттық банкте сақталады, кейін ол МӘМС шеңберінде көрсетілген қызмет ақысын төлеу үшін бағытталатын болады.


Өзгелердің жаңалығы