Елорда әкімдігіне бір апта ішінде эпидахуалды тұрақтандыру үшін түбегейлі шаралар қабылдау тапсырылды

23 Маусым 2021, 10:10
1757
Бөлісу:
Елорда әкімдігіне бір апта ішінде эпидахуалды тұрақтандыру үшін түбегейлі шаралар қабылдау тапсырылды

Нұр-Сұлтан, BAQ.KZ. Премьер-министрдің орынбасары Ералы Тоғжановтың төрағалығымен Денсаулық сақтау министрі Алексей Цойдың қатысуымен ҚР аумағында COVID-19 таралуына жол бермеу жөніндегі ведомствоаралық комиссияның көшпелі отырысы өтті, онда Нұр-Сұлтан қаласы бойынша эпидемиологиялық жағдай қаралды. 

Бүгінгі таңда Нұр-Сұлтан қаласындағы эпидемиологиялық ахуал қолайсыз болып қалуда: соңғы аптада КВИ-мен сырқаттанушылықтың өсуі 43%-ті құрады, төсек-орын жүктемесінің артқандығы және емдеуге жатқызылатын науқастар санының ұлғаю тенденциясы байқалады. 

Кеңесте Денсаулық сақтау министрлігі басшылығы тарапынан қаланың медициналық мекемелері эпидемияға қарсы режимнің бұзылғандығы, КВИ жұқтырған науқастарға медициналық көмектің уақытылы көрсетілмейтіндігі мен сапасыздығы, сондай-ақ мониторингтік топтар жұмысының әлсіреуі, халықты вакциналау бойынша белсенді жұмыстың жеткіліксіздігі атап өтілді. 

Ағымдағы жылғы мамыр айында елорда бойынша халықты КВИ-ға қарсы иммундау көрсеткіші сәуір айымен салыстырғанда 50% - ке төмендеген. Барлық анықталған кемшіліктер бойынша Ералы Тоғжанов Нұр-Сұлтан қаласының әкімдігіне бір апта ішінде эпидемиологиялық ахуалды тұрақтандыру үшін оларды жою бойынша түбегейлі шаралар қабылдауды тапсырды. Бұл мәселе ВАК-тың тұрақты бақылауында болады, - деп хабарлады COVID-19 таралуына жол бермеу жөніндегі ВАК.

Өзгелердің жаңалығы