Бұл туралы Сыртқы істер министрлігінің ресми өкілі Айбек Смадияров апталық баспасөз мәслихаты барысында мәлімдеді, деп хабарлайды BAQ.KZ тілшісі.
Айтуынша, Еуропалық одақтың Сыртқы істер және қауіпсіздік саясаты жөніндегі Жоғарғы өкілі – Еуропалық комиссия Вице-президенті Жозеп Борреллдің Қазақстанға ресми сапармен келеді.
Еуропалық одақтың Сыртқы істер және қауіпсіздік саясаты жөніндегі Жоғарғы өкілі – Еуропалық комиссияның вице-президенті Жозеп Боррель 16-17 қарашада Қазақстанға ресми сапармен келеді. Сапар аясында Жозеп Боррельдің Қазақстан Республикасы Премьер-министрінің орынбасары – Сыртқы істер министрі Мұхтар Тілеубердімен және мемлекет басшылығымен екіжақты кездесулері жоспарланып отыр, - деп атап өтті ведомствоның ресми өкілі.
Сонымен қатар ол кездесу барысында қандай мәселелер талқыланатынына тоқталып өтті.
Келіссөздер барысында өзекті өңірлік және халықаралық мәселелер бойынша пікір алмасып, тараптар Қазақстан – Еуропалық одақ екіжақты ынтымақтастықтың перспективаларын талқылайды, - деді Айбек Смадияров.
Еске сала кетейік, бұған дейін Сыртқы істер министрлігі «Украинада сайлау учаскесі ашыла ма?» деген сұраққа жауап берген болатын.
