Нұр-Сұлтан,BAQ.KZ. Бүгін Қазақстанның көптеген қалаларында метеорологиялық жағдай қолайлы болады.
«Қазгидромет» РМК баспасөз қызметі таратқан мәліметке сенсек, 16 желтоқсан күні еліміздегі қалалардың басым көпшілігінде метеорологиялық ахуал бірқалыпты болады. Тек Нұр-Сұлтан, Алматы, Балқаш және Шымкент қалаларында ауа сапасы біршама нашарлайды.
Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
