Түркістан облысындағы мақта зауытында 170 тонна мақта өртенді
Өрт 242 шаршы метр аумақты шарпыған. Қаза тапқандар мен зардап шеккендер жоқ, өрттің себебі анықталып жатыр.
17 Қазан 2026, 20:55
148
Фото: pixabay.com
Түркістан облысының Мақтаарал ауданындағы мақта өңдеу зауытының аумағында шыққан өрт сөндірілді. Төтенше жағдайлар министрлігінің мәліметінше, жалпы салмағы 170 тонна болатын мақтаның төрт үйіндісі өртенген.
Кәсіпорын Жетісай – Атакент автожолының бойында орналасқан. Ашық алаңда тұтанған өрт 242 шаршы метр аумақты шарпыған. Зауыт аумағында барлығы 700 тонна мақта болған.
Төтенше жағдайлар министрлігі құтқарушыларының жедел әрі үйлесімді әрекеттерінің арқасында өрт толық сөндірілді, – деп хабарлады ведомство.
Қаза тапқандар мен зардап шеккендер жоқ. Өрттің шығу себебі анықталып жатыр.
Ең оқылған:
- Құрылыс компаниясының экс-басшысы түрмеден шыққан соң 4,4 млрд теңгенің пәтерлерін иемденбек болған
- Айлығы 1,2 млн теңге, екі пәтері бар: Еңбек министрі тікелей эфирде қай санатқа жататынын есептеді
- Әлеуметтік көмек кімге беріледі: Қазақстандықтар бес санатқа бөлінеді
- Жол ортасында тоқтаған такси мен кешкі кептеліс: Алматыдағы «Алтын Орда» базары маңында не болып жатыр?
- Жәрдемақы есептегенде туыстар арасындағы ақша аударымы табысқа қосыла ма?