Еліміздің құрамасы химиядан 55-ші халықаралық олимпиадаға қатысып жатыр

19 Шілде 2023, 18:00
575
Бөлісу:
Еліміздің құрамасы химиядан 55-ші халықаралық олимпиадаға қатысып жатыр
PHOTO
Фото: Оқу-ағарту министрлігінің баспасөз қызметі

Швейцарияның Цирюх қаласында химиядан халықаралық олимпиада (IChO-2023) басталды, деп хабарлайды BAQ.KZ.

Оқу-ағарту министрлігінің мәлімдеуінше, интеллектуалды сайыста әлемнің 88 мемлекетінен 350-ден астам оқушысы бақ сынайтын болады. Олардың қатарында Қазақстан құрама командасы да бар.

Астана, Ақтау, Павлодар, Өскемен қалаларынан барған 4 оқушы бар республикалық олимпиаданың жеңімпаздары және олимпиадалық резерв мүшелері. Олар химиядан әлемдік білім сайысында Қазақстан намысын қорғайтын болады. 

Еліміздің құрамасы химиядан 55-ші халықаралық олимпиадаға қатысып жатыр

Бұл олимпиадаға өз елдерінің ұлттық олимпиадаларда жеңімпаз атанған химиктердің ең үздіктері келді. Олимпиада теориялық және эксперименттік турлардан тұрады. Екі тур да 5 сағатқа дейін созылады және бірнеше күн бойы өтеді. Әрбір тур бір-бірінен тәуелсіз бағаланады және емтихан нәтижелерінің қосындысы қатысушының жалпы нәтижесін анықтайды. Әр қатысушы елдің екі жетекшісінен тұратын халықаралық қазылар алқасы тапсырмаларды таңдап, талқылап, дауыс береді, - дейді құрама команданың ғылыми жетекшісі Азим Аманжолов.

 Ең жоғары нәтиже көрсеткен жүлдегерлер 24 шілде анықталатын болады. Осымен 55-ші рет өткізіліп отырған халықаралық олимпиада медальдары келесі қағида бойынша беріледі: Жеңімпаздардың 12%-на алтын,22%-на күміс және 32%-на қола медаль беріледі.Қатысушылардың 10%-ы құрмет грамоталарымен марапатталады.

Өзгелердің жаңалығы