Елімізде сиыр еті тапшы ма? – министр жауабы

Сауда және интеграция министрі Арман Шаққалиев сиыр етіне деген сұраныс неден артқанын түсіндірді, деп хабарлайды BAQ.KZ тілшісі.

Қазір ешқандай тапшылық жоқ. Осыған дейін бағаның өсуін байқадық. Бұған Өзбекстан мен Ресейден Қазақстандағы сиыр етіне жоғары сұраныстың болуы ықпал етті. Дәл қазір мұндай сұраныс жоқ, - дейді Шаққалиев Мәжіліс кулуарында.

Министр ет бағасы әр өңірде әртүрлі екенін айтады.

Ет бағасы 2700 теңгеден бастап, 3000 теңгеге дейін жетеді. Бұл нарықтың бағасы. Сұраныс болса, ұсыныс та болуы керек, - дейді Арман Абайұлы.