Елімізде мұнай-газ жабдықтарын шығаратын зауыт іске қосылды

Елімізде мұнай-газ жабдықтарын шығаратын зауыт іске қосылды
PHOTO
695

Нұр-Сұлтан, BAQ.KZ. Павлодар қаласында «КазПромБезопасность» ЖШС мұнай-газ жабдықтарын шығаратын өндірістік алаң іске қосылды, деп хабарлады ИИДМ баспасөз қызметі.

 Аталған жоба Индустрияландыру картасы шеңберінде жүзеге асырылды. Өндірістік алаңды құру мен дамыту шараларына 246 млн теңгеден астам қаржы инвестицияланған.

Кәсіпорын жылу алмасу аппараттарын, конденсаторлар, ауаны салқындататын аппараттар, криогендік жабдықтар, құбыр бөлшектері мен құбырлардың көптеген түрлерін, түрлі металл конструкцияларын шығарады. Өндіріс орны өндірілетін тауар желісін одан әрі кеңейтуді жоспарлап отыр.

«КазПромБезопасность ПВ» ЖШС өндірістік алаңында жоғары сапалы өнімді дайындау үшін барлық талаптарға жауап беретін заманауи жабдықтар орнатылған.

Өндіріс алаңында қосымша 40 жұмыс орны ашылған. Алдағы уақытта кәсіпорындағы қызметкерлер санын 150 адамға дейін жеткізу жоспарда бар. 

Қысқа да нұсқа. Жазылыңыз telegram - ға

Фото: ашық дереккөз
Өзгелердің жаңалығы