Елімізде 500-ге жуық адам коронавирус жұқтырған. Олардың 25 пайызынан омирконның «Eris» штаммы анықталған, деп хабарлайды BAQ.KZ.
Бұл туралы бас санитарлық дәрігер Айжан Есмағамбетова мәлімдеді. Қазір COVID-19 диагнозымен ауруханаларда 23 науқас емделіп жатқанын айтты. Жағдайлар жақсы, сырқатты жеңіл түрде өткізіп жатыр. Өлім-жітім дерегі тіркелмеген деп қосты.
Сондай-ақ өкпені жасанды желдету аппаратына қосылғандар да жоқ екен. Бас санитар сонымен бірге елде шектеу шаралары енгізілмейтінін айтты.
