Бұл туралы Мәжіліс депутаты Нұргүл Тау өзінің депутаттық сауалында көтерді, деп хабарлайды BAQ.KZ тілшісі.
Қазіргі кезде кинотеатрларда көрсетіліп жүрген шетел фильмдерінің қазақ тілінде дыбысталуы көбінесе жеке кәсіпкерлердің қаражаттарымен жасалған. Сондай-ақ елімізде «дубляж жасау» бойынша көп жағдайда кәсіби мамандар айналысып жүрген жоқ. Жалпы, бізде дубляж мамандары жоқтың қасы. Сол себепті де барлық жерде бірен-саран адамдардың ғана дауысын естіп жүрміз, - дейді депутат.
Нұргүл Тау мәселені шешу үшін «Қазақфильм» АҚ жанынан толықтай жабдықталған, халықаралық стандарттарға сай және арнайы сертификаттары бар кәсіби дубляж студиясын ашуды ұсынды.
Еліміздегі жоғары оқу орындарында «дубляж жасау» мамандығын ашып, осы бағыттағы дәрістер санын арттыру қажет деп санаймыз, - деп ұсыныс жасады мәжілісмен.
