Бұл туралы Жерлерге зерттеп-қарау жұмыстарын жүргізу мемлекеттік институтының кеңес отырысында белгілі болды, деп хабарлайды BAQ.KZ Ауыл шаруашылығы министрлігіне сілтеме жасап.
Жиынға Жер ресурстары комитетінің төрағасы Мұрат Теміржанов, институт директоры Гүлжаһан Бимендина және филиал басшылары мен сала мамандары қатысты.
Биыл 15 аймақтан филиалын ашып, қарқынды жұмысқа кіріскен мекеме республика бойынша 22,9 млн гектар алаңда далалық іздестіру жұмыстарын жүргізді. Бұл жалпы меженің 91,7%-ын құрайды. Оның ішінде 5,3 млн га алаңда топырақты зерттеу, 3,5 млн га топырақ бонитетін анықтау, 6,5 млн га геоботаникалық зерттеу, 7,6 млн га жер мониторингін жүргізу бар.
Дала жұмыстарын қыркүйек айының соңына дейін аяқтау жоспарланды. - дейді мекеме басшысы Г.Бимендина.
Кеңес қорытындысында Комитет төрағасы Мұрат Теміржанов алдағы уақытта ауыл шаруашылығы жерлерін олардың сапалық жай-күйін тексеру, оны арттыру маңызды міндет екенін айтты.
