Еліміз Азия ойындарында екінші алтынға ие болды

28 Қыркүйек 2023, 12:06
1275
Бөлісу:
Еліміз Азия ойындарында екінші алтынға ие болды
Фото: Туризм және спорт министрлігінің баспасөз қызметі

10 метр қашықтықтан жылжымалы нысанаға оқ ату сайысында 18 жастағы Зухара Ирназарова чемпион атанды, деп хабарлайды BAQ.KZ. 

Біздің отандасымыз 560 ұпай жинап, Солтүстік Кореядан келген екі мергеннен озып кетті. Бұл Азиададағы еліміздің ұлттық құрамасы үшін екінші алтын медаль. 

Керемет нәтиже! Зухраны кез-келген спортшы үшін маңызды жеңісімен құттықтаймын! Бұл ол үшін соңғы жетістік емес екеніне сенімдімін, - деді ҚР Туризм және спорт министрі Ермек Маржықпаев.

Естеріңізге сала кетейік, кеше Әсем Орынбай, Зоя Кравченко және Ольга Панаринадан жасақталған стенд атудан Қазақстанның әйелдер командасы "скит" жаттығуында алтын медаль жеңіп алып, Азия ойындарының рекордын 350 балға жеткізді.

Өзгелердің жаңалығы