Еліміздің барлық өңіріндегі республикалық маңызы бар жолдар ашық, деп хабарлайды BAQ.KZ "ҚазАвтоЖол" компаниясына сілтеме жасап.
24 ақпан сағат 23.00-дегі ахуалға сәйкес республикалық маңызы бар автожолдардың барлығы ашық, қозғалысқа шектеу жоқ, - делінген республикалық автожолдарды басқару жөніндегі ұлттық оператордың хабарламасында.
Бұған дейін ауа-райының қолайсыздығына байланысты 1 облыста республикалық маңызы бар 1 автожолда көлік қозғалысына шектеу енгізілді. Атап айтқанда, Жетісу облысындағы "Үшарал-Достық" тасжолы жабылған болатын.
