Бұл туралы ИИДМ Автомобиль жолдары комитеті төрағасының орынбасары Амангелді Беков Орталық коммуникациялар қызметінің алаңында өткен баспасөз мәслихатында мәлімдеді, деп хабарлайды BAQ.KZ тілшісі.
Айтуынша, республикалық жолдар бойынша атқарылған жұмыстар мен материалдардың сапасына жасалған сараптама республикалық бюджет есебінен қаржыландырылады.
Сондай-ақ бүкіл желіні толықтай қамтиды. Бұдан бөлек, бүгінде жергілікті атқарушы органдармен жергілікті маңызы бар жолдар, сондай-ақ елдімекен көшелерін сараптамамен қамту бойынша белсенді жұмыс жүргізілуде. Автомобиль жолдарының сапасын арттыру мақсатында саланы реформалау жолымен жаңа тәсіл пысықталды. Бүгінгі таңда заңнамада бірқатар түзетулер қабылданды. Мәселен, ұлттық сапа орталығына елдімекен көшелерін жөндеуге ведомстволық сараптама жүргізу өкілеттігі берілді, - деп атап өтті ведомство өкілі.
Себебі халық шағымдарының басым бөлігі елдімекен көше-жолдарында жүргізілген сапасына байланысты деп отыр.
Нормативтік жағдайдағы жолдардың көрсеткіші 3 өңірде: БҚО (46%), Ақтөбе (72%) және Атырау (72%) облыстарында орташадан төмен. Саланың нормативтік-техникалық базасын жетілдіру, мұнда қолданыстағы 1200 стандарт 50 негізгі МЕМСТ пен стандарттарға оңтайландырылып, жаңартылатын болады. Осылайша, жаңа дәлелденген және сыналған материалдар мен технологиялар тізілімі жаңартылады, - деді Амангелді Беков.
