Нұр-Сұлтан, BAQ.KZ тілшісі. ҚР премьер-министрінің орынбасары Роман Скляр 2020 жылы Үшінші индустриаландыру бағдарламасын іске асыру басталғанын және соның аясында 17 мың жұмыс орны ашылатынын мәлімдеді.
Роман Скляр мемлекет басшысының 2020 жылға Үкімет алдына қойған тапсырмаларын орындауда жергілікті атқарушы органдардың маңызы зор екенін жеткізді. Айтуынша, биыл 15 млн шаршы метр тұрғын үй пайдалануға беріледі.
Президенттің алға қойған міндеттерді шешудегі жергілікті атқарушы органдардың маңызды рөліне назар аударғым келеді. 2020 жылы Үшінші индустриалдандыру бағдарламасын іске асыру басталды. Осы жылы 17 мың жұмыс орнын құру мен 1,1 трлн теңгеден астам сомаға 160 жобаны пайдалануға беру жоспарланған. Сонымен бірге, экспортқа бағытталған кәсіпорындарға жан-жақты қолдау көрсетіледі, ал ішкі нарықта өндірушілерге қолдаудың толық пакеті ұсынылады. Өңірлердегі жобаларды уақытында енгізу үшін инвесторларға жан-жақты қолдау көрсету қажет. Биыл 15 млн шаршы метр тұрғын үйді пайдалануға беру жоспарланған. Осыған қол жеткізу үшін өңірлерде тұрғын үй құрылысының қарқынын арттырып, жоспардан қалмауы керек. Осыған байланысты әкімдіктер үшін жұмысты тиімді жоспарлауды қамтамасыз ету, үй құрылысы комбинаторлы мүмкіндіктерін пайдалану, нормативтік құжаттары, сонымен қатар жер телімдері мен коммуникацияларды бөлу бойынша бизнес және халықпен өзара іс-қимылды күшейту маңызды. Биыл жобалық-сметалық құжаттың бірыңғай бланкі жұмыс істей бастайды. Осыған байланысты әкімдіктер типтік жобаларды қолдануға кірісу керек. Бұл дизайн құнының 65% үнемдейді, - деді премьер-министрдің орынбасары Роман Скляр Үкіметтің кезекті отырысында.
Бұған дейін ұлттық экономика министрі Руслан Дәленов мемлекет басшысы Қасым-Жомарт Тоқаевтың Үкіметтің кеңейтілген отырысында берілген тапсырмаларды орындау аясында орта мерзімді кезеңге арналған экономикалық даму жоспарын әзірлеу қажеттігін айтқан болатын.
Ұлттық экономика министрі Руслан Дәленов еліміздегі кәсіпкерлік пен бизнеске қолдау көрсету мақсатында 2020 жылы қолға алынатын іс-шаралар аясында "Бизнеске арналған үкімет " бірыңғай терезесі құрылатынын баяндады. Сонымен қатар, 1 шілдеге дейін зейнетақы жүйесін жаңғырту бойынша шешімдер әзірленетінін мәлімдеді.
Қаржы нарығын реттеу және дамыту агенттігінің төрағасы Мәдина Әбілқасымова Қаржы секторын дамытудың 2030 жылға дейінгі тұжырымдамасын жаңаратынын және қаржы технологиялары арналған тиісті тұжырымдама әзірленетінін айтқан болатын.
