Экономика саласында әйелдердің мүмкіндігін кеңейту керек - Елена Тарасенко

27 Наурыз 2019, 15:47
1665
Бөлісу:
Экономика саласында әйелдердің мүмкіндігін кеңейту керек - Елена Тарасенко

Нұр-Сұлтан, BAQ.KZ тілшісі.  Елордада "Қазақстанда әйелдердің экономикалық құқықтары мен мүмкіндіктерін кеңейту: тәжірибе,  сын-қатерлер және перспективалар" атты конференция өтіп жатыр. 

Аталған шара аясында Бейжің декларациясы мен іс-әрекеттер тұғырнамасын жүзеге асыру бойынша Ұлттық комиссия мен мүдделі мемлекеттік органдардың бірлесіп дайындаған ұлттық шолу жобасы талқыланды.  Шолуда Қазақстан Республикасында түрлі саладағы соңғы бес жылда әйелдердің жағдайын жақсартуға бағытталған шаралар туралы ақпарат берілген.

ҚР Президенті жанында құрылған Әйелдер істері және отбасылық-демографиялық саясат жөніндегі ұлттық комиссия төрайымының орынбасары Елена Тарасенко елімізде әйелдер бизнес саласында белсенділік танытып жүргенін айтты. 

"Заманауи еңбек нарығында өзгерістер көп.  Мысалы, әлеуметтік желі арқылы сауда-саттықпен айналысатын әйелдер бала тәрбиесіне де көңіл  бөліп үлгереді. Дамудың жаңа кезеңі басталды. Алдағы уақытта экономика, саясат саласында әйелдердің мүмкіндігін кеңейтетін көп жұмыс атқарылады",  - деді ол.

                                                                                                                                            Зарина Абильмажинова                                                                                                                                                                                                                                    фото: автордікі

Өзгелердің жаңалығы