8-13 қыркүйек аралығында Астанада 5-ші Дүниежүзілік көшпенділер ойындары өтеді. Жарысқа әлемнің 89 елінен 2 мыңнан астам қатысады. Спорттық жарыстар мен мәдени іс-шараларға 100 мыңнан астам турист келеді деп күтіліп отыр, деп хабарлайды BAQ.KZ.
Бұл туралы 5-ші Дүниежүзілік көшпенділер ойындарын дайындау және өткізу дирекциясы мәлім етті.
Астанада 5-ші Дүниежүзілік көшпенділер ойындарының спорттық бағдарламасы аясында спорттың 21 түрі бойынша жарыстар өткізу жоспарланған.
Олардың қатарында ат жарысы, ұлттық күрес түрлері, дәстүрлі зияткерлік ойындар, жекпе-жек түрлері бойынша жарыстар, садақ ату, құстармен аң аулаудың ұлттық түрлері, ат жарыстары, халық ойындары бар. Тікелей Астанада «Көшпенділер әлемі» этноауылы ашылады, онда әрбір келуші қазақ халқының мәдениеті мен дәстүрлерімен, сондай-ақ қатысушы елдердің өзіндік мәдениетімен таныса алады. Күн сайын этноауылға елорданың 10 мыңнан астам тұрғыны мен қонағы келе алады.
Сонымен қатар 5-ші Дүниежүзілік көшпенділер ойындары аясында 9-11 қыркүйекте Ұлттық музейде "Көшпенділер: тарих, білім, сабақтар" атты Халықаралық ғылыми-практикалық конференция өтеді. Конференция "Тарих және мәдениет", "Спорт ғылымы" және "Орталық Азия көшпенділерінің тамақтануы" сынды бірнеше секциядан тұрады.
