Қазақстандық әнші Димаш Құдайберген Қытайда өтетін "Spring гал" фестивалінде өнер көрсетеді. Бұл туралы өнер иесі Instagram парақшасында мәлімдеді, деп хабарлайды BAQ.KZ.
«Көрермендер саны бойынша Гиннестің рекордтар кітабына енген көктемгі гала-фестиваль концертіне ертең екінші рет қатысамын», - деп жазды Димаш Құдайберген.
Аталмыш фестиваль 1983 жылдан бері өткізіліп келе жатқан Қытайдың жаңа жылына арналған China Media Group компаниясының тамаша телевизиялық кеші.
