Нұр-Сұлтан, BAQ.KZ. Өткен жылы елдегі фармацевтикалық препараттар бір жыл бұрыңғымен салыстырғанда 9,9%-ға қымбаттады, деп жазды energyprom.kz.
Өңірлер бойынша дәрілік заттар бағасы Маңғыстау облысында қамбаттырақ екені анықталды. Мұнда фармацевтикалық препараттардың бағасы 24,3%-ға өскен.
Бұл көшті Павлодар облысы (16,3%) және Ақтөбе (14%) облыстары жалғастыруда.
Ал дәрілік заттар ішінде қатты қымбаттағандар антисептикалық құралдар (33,1%) мен дене қызуын түсіретін дәрілер (16,9%).
Бүйрек ауруларына арналған дәрілік препараттар бағасы 11,9%, антибиотиктер - 8,4%, асқазанға арналған дәрілер - 7,1%, анальгетиктер - 6,2%, дәрумендер - на 5,8%-ға қымбаттады.
«Флемоксин Солютаб» антибиотигінің бағасы өткен жылдың желотқсан айында ел дәріханаларында 2,4 мың теңгеден, жөтелге қарсы «Бронхикум-С» 1,4 мың теңгеден сатылды. «Мульти-табс Классик» дәрумендер жиыны - 2,4 мың теңгені құрады.
«Корвалол» (15 мл) бағасы 182,1 теңгенінің айналасында болды. Демек бір жыл бұрыңғы бағамен салыстырғанда 2,1 есеге өскен. Ал мақтаның бағасы 23%-ға өсіп, 305 теңгеге жеткен.
Өткен жылы елде 138,3 млрд теңгенің фармацевтикалық заттары өндірілді. Бұл оның алдындағы жылмен салыстырғанда 50,3% артық. Ал дәрілік заттар өндірісі 55,9%-ға артық, былтыр 127,2 млрд теңгенің дәрі-дәрмегі өндірілді.
