«Далада қалған» студенттер жайлы ақпарат шындыққа жанаспайды

«Далада қалған» студенттер жайлы ақпарат шындыққа жанаспайды
608

ҚР Ғылым және жоғары білім министрлігі «Алматыдағы студенттер далада қонып жүр» деген әлеуметтік желідегі ақпараттың шындыққа жанаспайтынын хабарлады.

«Алматыдағы студенттер далада қонып жүр» деген сарындағы хабарламалар соңғы күндері бірқатар ақпараттық сайт пен әлеуметтік желіде тараған еді.

 Ғылым және жоғары білім министрлігі оларды мұқият зерделеп, көпшілігі бір парақшадан алынғанын және ондағы мәліметтің расталмағанын хабарлайды.

 БАҚ өкілдері мен әлеуметтік желідегі парақша иелері министрліктің баспасөз қызметіне ол студенттер жайлы нақты деректерді ұсына алмады. 

 Осыған орай қоғам өкілдері мен Бұқаралық ақпарат құралдарын тек ресми ақпаратқа сенуге шақырамыз. Студенттердің жатақханаға орналасуына қатысты сұрақтар туындаса жоғары оқу орындарының әкімшілігіне хабарласуды сұраймыз. Ал университеттер шәкірттерді жатақханадағы орындармен қамтамасыз етуде. Сондай-ақ қажет болған жағдайда орын жетпеген студенттер хостелдер мен қонақүйлерге орналастырылады.

 Айта кету керек, Ғылым және жоғары білім вице-министрі Қуаныш Ерғалиев студенттерді жатақханамен қамту мәселесі толық шешілгенше Алматыда болады. Ол жағдайды тікелей бақылауында ұстайды., – делінген министрліктің хабарламасында.

Қысқа да нұсқа. Жазылыңыз telegram - ға

Фото: ашық дереккөз