Астана, BAQ.KZ. Қазгидромет 1 ақпанда еліміздің бірнеше облысында ауа райына байланысты дабылды ескерту жасалғанын хабарлады.
Шығыс Қазақстан облысында және Өскемен қаласында түнде кей жерлерде қалың қар жауады. Кей жерлерде бұрқасын соғып, оңтүстік-шығыстан соққан желдің бағыты оңтүстік-батысқа ауысады. Желдің күші 15-20, екпіні 23-28 м/с-қа жетеді.
Қызылорда облысының кей жерлерінде тұман түсіп, көктайғақ болады. Солтүстік-шығыстан, шығыстан соғатын желдің күші 15-20 м/с, екпіні 25 м/с дейін жетеді.
Дабылды ескертудің ықтималдылығы 90-100 %
