Нұр-Сұлтан, BAQ.KZ. Президент әкімшілігі басшысының бірінші орынбасары Дәурен Абаев Facebook-тегі парақшасында коронавирус індетіне байланысты біраз жайтты тәпсірлеп берді.
Мемлекеттік басқарудың барлық деңгейінде қауіптің ауқымы елеусіз қалғанына байланысты нақты түсінік және жауапкершілікті түсіну бар. Енді бұдан қорытынды жасалады. Бұл жерде мен әкімдер мен министрлерді отставкаға кетіру туралы айтып отырған жоқпын. Әңгіменің өзегі басқада екенін түсініңіздер. Мемлекеттік басқаруды жүйелі түрде қайта құру туралы айтып отырмыз. Президент бұл мәселені қазір мұқият зерттеп жатыр. Мемлекеттік аппаратқа әдеттен тыс функциялардан арылып, оларды жеке меншікке, азаматтық қоғамға беру керек. Алдағы уақытта білімі жетік, тәжірибесі мол мамандар мемлекеттік қызметке керек, - дейді Дәурен Абаев.
Ол төтенше жағдай кезінде әкімдіктер сатып алудың формальды ұзақ процесі салдарынан дәрі-дәрмекті алуда уақытты жоғалтып алды деп отыр. Бұл жерде ол бюрократиялық кедергілерді биліктің өзі қалыптастырып отырғанын жазбаған.
Ол үшін оларға ұрса беруге болады. Бірақ күні ертең олар тексеруші органдарға бұл сыбайлас жемқорлықтың сызбасы емес, жай ғана адам өмірін құтқарудың амалдары екенін дәлелдеуіне тура келер еді. Ал жалпы дәрі-дәрмекті, өкпені жасанды желдету аппараттарын сатып алу жұмыстары жүргізіліп, тестілеумен қамту деңгейі, отандық фармацевтикалық кәсіпорындардың қуаттылығы ұлғайтылды. Алайда мұның жеткіліксіз екені белгілі болды. Науқастар санының өсу қарқынына біздің денсаулық сақтау жүйесі қауқарсыз болып шықты. Дамыған және дамушы елдердің барлығы дерлік осы індетке тап болып отыр. Жылдан-жылға, айдан-айға дейін медицинаның күші шамамен науқас саны тұрақты жүйеге бейімделген. Аяқастынан бірнеше айдың ішінде ғана көмекке жүгінетін адамдар саны екі немесе 3 есе емес, бірнеше рет өсті. Сондай жағдайда қарсы тұру қиын болды, - дейді Президент әкімшілігі басшысының орынбасары.
