Алматы, BAQ.KZ. Алматы облысында коронавирус инфекциясын жұқтырған тағы 3 адам анықталды.
Алматы облысы әкімдігінің мәліметінше, сырқаттардың 3-еуі де Талдықорған қаласында анықталған.
1973, 1994, 2020 жылы туған 3 науқас та бұрын ауырған адамдармен қарым-қатынаста болған. ПЦР-талдауының нәтижесі олардың КВИ жұқтырғанын растады. 3 пациент те Талдықорған қаласындағы әскери госпитальдің инфекциялық бөліміне ауыстырылды, - делінген хабарламада.
Олармен 12 адамның байланыста болғаны анықталған. Қазір олар оқшауланып, КВИ зертханалық тексерулерінен өтуде, эпидемиологиялық зерттеулер жалғасып жатыр.
Жалпы Алматы облысында COVID-19 инфекциясының 212 жағдайы тіркелген.
