Солтүстік Қазақстан облысында өткен жылы 9 адам тұрмыстық зорлық-зомбылық салдарынан қайтыс болды. 2,5 мыңға жуық құқықбұзушылық тіркеліп, 618 азамат әкімшілік қамауға алынды, деп хабарлайды BAQ.KZ khabar.kz арнасына сілтеме жасап.
Тағы 300-ден астам бұзақыға ескерту жасалып, жетеуіне айыппұл салынған.
Былтыр тұрмыстық ұрыс-керіс салдарынан облыста 9 адам мерт болды. Оның бесеуі әйел болса, қалғаны ер азамат. Қайтыс болғандардың орташа жасы — 30 бен 45 аралығында. Қылмыстарың көбі Петропавл қаласында жасалған. Статистикаға сүйенсек, отбасылық жанжалдың шығуына басты себеп жұмыссыздық және тұрмыстық жағдайдың төмендігі болып отыр, - деді жергілікті полиция қызметінің аға инспекторы Әсия Әбжанова.
