Былтыр елорда әуежайында декларацияланбаған 200 млн теңгеден астам қолма-қол ақша анықталды

15 Ақпан 2022, 16:53
1509
Бөлісу:
Былтыр елорда әуежайында декларацияланбаған 200 млн теңгеден  астам қолма-қол ақша анықталды

Нұр-Сұлтан, BAQ.KZ. 2021 жылы елордадағы әуежай арқылы 203 706 259 теңге алып өтпек болған. Қолма-қол ақша декларацияланбағандықтан заң бұзушыларға айыппұл салынды. Бұл туралы ҚМ Мемлекеттік кірістер комитетінің баспасөз қызметі хабарлады.

Нұр-Сұлтан қаласы бойынша Мемлекеттік кірістер департаменті 2021 жылы ҚР ӘҚБтК 551-бабының 3-бөлігі бойынша 13 әкімшілік материал толтырған (тауарларды, қолма-қол ақша қаражатын, ақша құралдарын декларацияламау немесе анық емес кедендік декларациялау, кедендік құжаттардағы мәліметтерді анық емес мәлімдеу), декларацияланбаған қолма-қол ақша қаражатының сомасы 203 706 259 теңге, осы бұзушылықтар бойынша айыппұл сомасы 379 210 теңгені құрады.

2021 жылы 16 желтоқсанда Нұр-Сұлтан қаласының «Нұрсұлтан Назарбаев» халықаралық әуежайында «Нұр-Сұлтан – Ыстамбұл» халықаралық әуе рейсімен ұшып бара жатқан жолаушылар кедендік бақылаудан өткеннен кейін Нұр-Сұлтан қаласы бойынша департаментінің «Әуежай-Астана» кеден бекетінің қызметкерлері ҰҚК Шекара қызметінің қызметкерлерімен бірлесіп, Ливан азаматшасын ұстады. Ұстау кезінде 13 900 АҚШ доллары мөлшерінде декларацияланбаған ақша қаражаты анықталды (ҚР Ұлттық Банкінің 16.12.2021 ж. бағамы бойынша 6 054 006 теңгені құрайды), - делінген хабарламада.

Сонымен қатар былтыр 29 желтоқсанда 29 Нұр-Сұлтан қаласының "Нұрсұлтан Назарбаев" халықаралық әуежайында «Нұр-Сұлтан – Ыстамбұл» халықаралық әуе рейсімен ұшып бара жатқан жолаушылар кедендік бақылаудан өткеннен кейін Қазақстан азаматы ұсталды. Ұстау кезінде 38 000 доллар сомасындағы  декларацияланбаған ақша қаражаты анықталды (ҚР Ұлттық Банкінің 29.12.2021 ж.бағамы бойынша 16 409 920 теңгені құрайды).

МКК Кеден кодексінің 343-бабы 1-тармағының 7) тармақшасында қолма-қол ақша қаражаты кедендік декларациялауға жататыны белгіленгенін еске салады.

Кедендік декларациялауды жүзеге асыру өткізілетін қолма-қол ақшаның және жол чектерінің шығу тегі және мақсаты туралы мәліметтерді көрсете отырып, әкелінетін немесе әкетілетін қолма-қол шетел валютасының, қолма-қол Ұлттық валютаның және жол чектерінің барлық сомасына жазбаша нысанда кедендік декларация беру арқылы жүргізіледі.

Бұдан басқа, тауарларды кедендік декларациялау кезінде жеке тұлғалар 10 000 АҚШ доллары баламасына тең немесе одан аспайтын жалпы сомадағы қолма-қол шетел валютасын және қолма-қол ұлттық валютаны (бағалы металдардан жасалған монеталарды қоспағанда) және жол чектерін кедендік декларациясыз ҚР-ға әкелуге немесе ҚР-дан әкетуге құқылы.

Өзгелердің жаңалығы