Бұрынғы ақпарат вице-министрі Көлгіновтің орынбасары болды

Бұрынғы ақпарат вице-министрі Көлгіновтің орынбасары болды
675

Нұр-Сұлтан, BAQ.KZ. Президент Әкімшілігінің келісімі бойынша Оралов Асхат Раздықұлы Нұр-Сұлтан қаласы әкімінің орынбасары болып тағайындалды.

Ол бұған дейін Ақпарат және қоғамдық даму вице-министрі қызметін атқарған. Әр жылдары «Нұр Отан» партиясы жанындағы «Жас Отан» ЖҚ хатшылығында, Л.Н. Гумилев атындағы ЕҰУ-да әлеуметтік-тәрбие жұмысы департаментінің бас маманы болып жұмыс істеді. 2016-2018 жылдары Астана қаласы Жастар саясаты мәселелері басқармасының басшысы қызметін атқарды. Бұл туралы елорда әкімдігінің ресми сайты хабарлайды.

Соңғы жылдары Павлодар облысы әкімінің әлеуметтік мәселелер жөніндегі орынбасары, Ақпарат және қоғамдық даму вице-министрі болып жұмыс істеді. Президенттік Жастар кадрлық резервінің мүшесі болып саналады. Әкім орынбасары ретінде Асхат Оралов әлеуметтік бағыттарға жетекшілік ететін болады.

Сонымен қатар, Президент Әкімшілігінің және қалалық мәслихат депутаттарының келісімі бойынша Бекмұрзаев Ерлан Орынбасарұлы Алматы ауданының әкімі болып тағайындалды. Еңбек жолын 2007 жылы Астана қаласы Жұмыспен қамту және әлеуметтік бағдарламалар департаментінің маманы қызметінен бастаған. Әр жылдары ҚР Мәдениет және ақпарат министрлігінде, ҚР Индустрия және жаңа технологиялар министрлігінде және т.б. сарапшы болып жұмыс істеді.

Асхат Оралов пен Ерлан Бекмұрзаев меротократия қағидатына сәйкес жолдан өткен тәжірибелі мамандар болып саналады. Елорда әкімі Алтай Көлгінов олардың алдына бірқатар міндет қойды.

Естеріңізге сала кетейік, Үкіметтің қаулысы бойынша Асхат Раздықұлы Оралов басқа жұмысқа ауысуына байланысты Ақпарат және қоғамдық даму вице-министрі қызметінен босатылған болатын.



Фото: дереккөз