Нұр-Сұлтан, BAQ.KZ. Бүгінгі таңда, өкінішке орай, Қазақстандағы танымал туристік көрікті жерлерді безендірілген жазуларсыз елестету мүмкін емес. Көбінесе мұндай «шығармашылықтан» ерекше қорғалатын табиғи аумақтарда орналасқан жартастар зардап шегеді.
Өткен жылы еліміздің ұлттық парктері бойынша жұмыс сапарында экобелсенділермен кездесуде Kazakh Tourism Ұлттық компаниясының төрағасы танымал туристік бағыттар бойында осындай жазуларды тазарту бойынша экоакция жүргізу идеясын айтты.
Араға бір жыл салып «Jana Dunie» қайырымдылық қоры бұл идеяны жүзеге асыруға ерікті болды. Осы жылдың мамыр айының басында қор еріктілері Іле-Алатау ұлттық паркіндегі тастарды тазалап үлгерген. Саябақ әкімшілігінің хабарлауынша, осы акциядан кейін басқа экологиялық бірлестіктерден осыған ұқсас сипаттағы іс-шараларды өткізу туралы өтініштер жиіледі.
Өткен жылы Kazakh Tourism айтылған идеядан шабыт алып, біз осы жылы жобаны нақты іске асырамыз деп шештік. Іле-Алатауда сәтті акция өткізіп, біз Kazakh Tourism-ге «Бурабай» ұлттық паркіне бірлесіп шығу туралы өтініш білдірдік, онда жартастағы «жасампаздық» мәселесі де өзекті. Ұлттық компания мен жергілікті билік тарапынан қолдау тапқанымызға өте қуаныштымыз, - деді Нұр-Сұлтандағы «Jana Dunie» қоры өкілдігінің директоры Әсел Әлиева.
«Өз елімде із қалдырмай Sayahattime» атты Бурабай ұлттық паркіндегі экоакцияға ҚР МСМ Туризм индустриясы комитеті, Kazakh Tourism ұлттық компаниясы, «Jana Dunie» қайырымдылық қоры, «Бурабай Даму» ЖШС, Ақмола облысының туризм басқармасы және ұлттық парктің өкілдері қатысты.
Акция қатысушылары барлығы оннан астам жартас беттерін тазалады, сондай-ақ шамамен 1,5 тонна қалдық жиналды, оның ішінде «естелік» ретінде ағашқа байланған медициналық маскаларда бар.
Мен осы акция одан әрі жанашырлар тауып, тек ауқымданады деп сенемін. Бүгін біз есте қалатын іс жасап, адам демалысынан із қалған әрекетті азайттық, - Kazakh Tourism ұлттық компаниясының төрағасы Ержан Еркинбаев.
