Бүгін еліміздің тоғыз қаласында ауа сапасы нашарлайды
Мұндай кезде тұрғындарға, әсіресе тыныс алу жүйесі аурулары бар азаматтарға сақтық шараларын сақтау ұсынылады.
Бүгiн 2026, 08:54
«Қазгидромет» РМК бүгінге, 7 маусымға арналған ауа сапасы болжамын жариялады.
Синоптиктердің мәліметінше, бүгін Астана, Алматы, Қарағанды, Жезқазған, Балқаш, Теміртау және Талдықорған қалаларында, сондай-ақ түнгі уақытта Ақтөбе мен Атырау қалаларында қолайсыз метеорологиялық жағдайлар күтіледі.
Қолайсыз метеорологиялық жағдайлар – атмосфераның төменгі қабатында зиянды заттардың жиналуына ықпал ететін қысқамерзімді ауа райы құбылыстарының жиынтығы. Оған тымық ауа райы, әлсіз жел, тұман және инверсия жатады.
Мамандар мұндай жағдайда елді мекендердегі ауа сапасы нашарлап, ластаушы заттардың шоғырлануы артуы мүмкін екенін ескертеді. Сондықтан тұрғындарға, әсіресе тыныс алу жүйесі аурулары бар азаматтарға сақтық шараларын сақтау ұсынылады.
Ең оқылған:
- Зеленскиймен жеке келіссөздер бейбіт шешімге әкелмейді – Путин
- Мерц: Еуропа Украина бойынша Ресеймен келіссөздер жүргізуге дайын
- Трамп: Иранмен мәміле жасалады немесе қатаң әрекетке көшеміз
- Иран АҚШ-пен келісім үшін 24 млрд доллар активтерін бұғаттан шығаруды талап етуде
- БЖЗҚ шекті көтерді: Сарапшы зейнетақы жинағын неге сақтап қалу маңызды екенін түсіндірді