Британдық жазушының Ұлы дала саяхатшылары туралы кітабы қазақ тіліне аударылды
PHOTO
5 Сәуір, 18:56 1074

Британдық жазушының Ұлы дала саяхатшылары туралы кітабы қазақ тіліне аударылды

Нұр-Сұлтан, BAQ.KZ тілшісі. Sunday Times, Mail on Sunday, Independent беделді басылымдарының репортеры болған британдық жазушы әрі саяхатшы Ник Филдинг Батыс саяхатшыларының қазақ жерлерін зерттеу тарихы және көшпенділердің өмірі мен тұрмысы баяндалған кітабын таныстырды. 

Ник Филдингтің 2019 жылы ағылшын тілінде жарық көрген «Ұлы дала саяхатшылары: папа елшілерінен бастап, Ресей революциясына дейін» кітабы Қазақстанның Ұлыбританиядағы елшілігінің бастамасымен қазақ және орыс тілдеріне аударылды. Оның тұсаукесері Ұлттық академиялық кітапхана қабырғасында өтті.  

 

«Бүгінгі шараның себепшісі – танымал саяхатшы, зерттеуші Филдинг мырза. Біз өз миссиясы бар қоғамдық бірлестік ретінде өзімізді оған борыштар сезінеміз, еңбегін мойындаймыз. Меніңше, Ник Филдинг Ұлы дала мәдениетін, оның ішінде қазақ халқының тарихын зерттеу бағытында көп жұмыс атқарып жатыр. Қазақстанның ежелгі жеріндегі шетелдік зерттеушілердің саяхатын, салт-дәстүрін, халқын осындай кешенді зерттеу ғылыми жағынан да, тәрбиелік жағынан да өте қажет дүние деп ойлаймын», – деп пікір білдірді шара модераторы болған «QazaqGeography» РҚБ басқарма төрағасы Орман Нұрбаев. 

Ал Ник Филдинг өз сөзінде «Ұлы дала саяхатшылары: папа елшілерінен бастап, Ресей революциясына дейін» кітабының қазақ және орыс тілінде жарық көруіне үлес қосқан Қазақстанның Ұлыбританиядағы елшісі Ерлан Ыдырысовқа, «QazaqGeography» РҚБ басқармасына, Ұлттық аударма бюросына және кітаптың тұсаукесері өткен Ұлттық академиялық кітапхана ұжымына алғыс білдірді.

«Мен Жоңғар Алатауын жақсы көремін. Көп жерді көрдім, бірақ мұндай жерді бұрын-соңды кездестірмедім. Жоңғар Алатауының шалғай тауларына атпен экспедициялар жасаймын. Бір күні аттан құлап қалсам да, бұл тәжірибені ештеңе алмастыра алмайды», – дейді автор. 


Фото: Жалғасбек ТОҚТАМЫСОВ
Загрузка...