Біздің депутаттардың азаматтар арасында тиісті беделі жоқ – Президент

28 Қаңтар 2022, 15:54
1513
Бөлісу:
Біздің депутаттардың азаматтар арасында тиісті беделі жоқ – Президент

Нұр-Сұлтан, BAQ.KZ тілшісі. Бұл туралы Президент Қасым-Жомарт Тоқаев Nur Otan партиясының кезектен тыс XXI съезінде айтты. 

Төртінші. Өңірлердегі өзекті әлеуметтік-экономикалық мәселелерді шешуге партия мүшелерінің қатысуын күшейту қажет. Мәслихат депутатының төсбелгісі облыс элитасына жататын ойдан шығарылған атрибут немесе  жоғары лауазымдарға жолдама емес.Бұл оның халық сайлағанының және халық мүддесі жолында жұмыс істеуі керек екендігінің дәлелі. Депутаттар бұл түбегейлі айырмашылықты анық түсінуі керек. Әзірге біздің депутаттардың азаматтар арасында тиісті беделі жоқ. Бұл қайғылы қаңтар оқиғасы кезінде анық байқалды, - деді Тоқаев. 

Оның айтуынша, өңірлердегі жұмысты көбіне әкімдерден басқа ешкім қамтымайды.

Қалың жұртшылық бұл мәселеде партияның қандай рөл атқаратынын көрмейді, өйткені депутаттар әдетте бұл мәселеден бас тартады. Мәслихаттардағы нұротандық депутаттардың қоғамдық рейтингін енгізу маңызды.Халықтың әл-ауқаты мен ел өмірінің сапасын арттыру үшін халық өкілдерінің не істеп жатқанын азаматтар көріп, түсінуі керек. Мұндай шешім депутаттар жұмысының тиімділігін арттыруға септігін тигізетініне сенімдімін, - деді Мемлекет басшысы. 

Өзгелердің жаңалығы