Биылғы Оскарды қай фильм алуы мүмкін?

7 Ақпан 2020, 07:45
1671
Бөлісу:
Биылғы Оскарды қай фильм алуы мүмкін?

Нұр-Сұлтан, BAQ.KZ. Биылғы "Оскар" сыйлығын Кореяның "Паразиттер" фильмі алуы мүмкін. Бұл жайында Американың киноматографиялық өнер мен ғылым академиясының Twitter-аккаунтында жазылды, деп хабарлайды Lenta.ru.

Басылымның жазуынша, өнер академиясы шығарған жазба әлеуметтік желіде көп тұрған жоқ, аз уақыт ішінде алып тастаған. Ал академияның өзі бұл жазбаны аяқ астынан жарияланып кеткенін әрі көрермендердің болжамы бойынша жасалған шешім екендігін айтып ақталып, жазба жариялады.

Ал Твиттердегі жазбаны сақтап үлгерген басылым биыл Кореяның "Паразиттер" фильмі бас олжаны алуы мүмкін деп болжам жасап отыр. Ал үздік режиссер сыйлығын "1917" фильмін түсірген Сэм Мендес, үздік ер адам рөлін Хоакин Феникс, үздік әйел адам рөлін Рене Зеллвегер алуы мүмкін.

Айта кеткен жөн, 91-ші "Оскарды" табыстау салтанаты 10 ақпан күні өтеді. Бұл болжамның қаншалықты рас екенін сол күні белгілі болмақ.

Өзгелердің жаңалығы