Биыл қанша бала лагерьге барады?

Биыл қанша бала лагерьге барады?
8673

Нұр-Сұлтан, BAQ.KZ тілшісі. ОКҚ-да өткен баспасөз конференциясында БҒМ Балалардың құқықтарын қорғау комитеті төрағасы Есенғазы Иманғалиев биыл қанша бала сауықтыру лагерьлеріне жіберілетіні туралы айтты.

Президент өз жолдауында да балалар қауіпсіздігінің өзектілігін атап өткен болатын.

Каникул кезінде балалардың қауіпсіздігі мәселелерін жүйелі ұйымдастыру үшін ҚР Премьер-министрінің «2020-2023 жылдарға арналған каникул кезінде балалардың сауықтыру демалысын, бос уақытын және жұмыспен қамтылуын ұйымдастыру туралы» өкімі қабылданды. 2020 жылғы наурызда ҚР Үкіметі 2020-2023 жылдарға арналған бала құқықтарын қорғауын күшейту, тұрмыстық зорлық зомбылыққа қарсы іс-қимыл және жасөспірімдер арасында суицид мәселелері жөніндегі жол картасын бекітті.

Министрлік кәмелетке толмағандардың істері және олардың құқықтарын қорғау жөніндегі комиссиялардың рөлін өңірлік деңгейде нығайту жөніндегі жұмысты жалғастырып келеді. Өңірлерде 2 мыңға жуық психологиялық қызмет жұмыс істейді. Оларға 11 мыңнан астам маман тартылған. Білім беру ұйымдарында және олардың аумақтарында енгізуге тыйым салынатын және пайдалануға шектелген заттардың тізбесі бекітілді, - деді ол.

Жазғы демалыс кезінде балалардың қауіпсіздігін қамтамасыз ету мәселелері министрлік мүдделі мемлекеттік органдардың қатысуымен әртүрлі деңгейде 5 отырыс қарастырылды.

Комитет төрағасы атағандай, каникул кезінде балалардың жұмыспен қамтылуы мен демалысын ұйымдастыру мәселелерін жедел қарау мақсатында арнайы жұмыс тобы құрылды. Олардың қатарында облыстар, Нұр-Сұлтан, Алматы және Шымкент қалаларының білім басқармаларының басшылары, орынбасарлары, ортақ мемлекеттік органдар өкілдері бар.

Осы жылдың 1-10 сынып оқушыларының контингенті 3 317 000 баланы құрайды. Жергілікті атқарушы органдардың деректері бойынша 13 мың сауықтыру лагері мен алаңы дайын. Қала сыртындағы 235 лагерь жыл бойы маусымдық шаралар ұйымдастырды. Қолайлы санитарлық-эпидемиологиялық жағдайға байланысты 2 млн-нан астам баланы (1-10 сынып оқушыларының 87,5%), оның ішінде 500 мыңнан астам әлеуметтік осал санаттағы балаларды сауықтырумен қамту жоспарланып отыр, - деп түсіндірді Есенғазы Иманғалиев.
Қысқа да нұсқа. Жазылыңыз telegram - ға

Фото: ашық дереккөз
Өзгелердің жаңалығы