Нұр-Сұлтан, BAQ.KZ. Қазақстанның басым аумағында ауа райы жауын-шашынсыз болады, деп хабарлайды Қазгидромет синоптиктері.
Шығыс Қазақстан облысында кей жерде найзағай ойнайды, солтүстік-шығыстан секундына 15-20 метр жылдамдықпен жел соғады. 22 мамырда түнде 2 градус үсік жүреді.
Маңғыстау облысында шаңды дауыл көтеріледі. Оңтүстік-шығыстан жел соғады, күндіз кей жерде секундына 18 метрге дейін күшейеді. Күндіз кей жерде 38-42 градус аптап ыстық болады.
Түркістан облысында найзағай ойнайды деп болжанып отыр. Кей жерде шаңды дауыл тұрады, солтүстік-шығыстан 15-20 м/с жылдамдықпен жел соғады, күндіз екпіні секундына 23 метрге жетеді.
Нұр-Сұлтанда күндіз бұлт шығады. Кейде найзағай ойнап, бұршақ жаууы мүмкін. Ауа температурасы 27-29 градусқа дейін жылынады.
Алматыда да күн бұлтты, жауын-шашынды болады. Шымкентте күндіз секундына 15-20 метр жылдамдықпен жел соғады деп болжанып отыр.
