Бұл бағдарлама көпбалалы отбасыларды және әлеуметтік осал топтарды тұрғын үймен қамтамасыз етуге бағытталған. Жаңа жылда 16 көпбалалы отбасы жаңа үйлердің кілтін алды, деп хабарлайды BAQ.KZ.
Салтанатты шара Алтай қаласының орталық алаңында өтті. Оған Алтай ауданының әкімі Ренат Құрмамбаев қатысып, жаңа қоныс иелерін қуаныштарымен құттықтады. Мемлекеттік бағдарламалар халық игілігі үшін жұмыс істеп, меншік баспанаға ие болу арманын шындыққа айналдыруда.
Шығармашылық ұжымдар қала тұрғындары мен жаңа қоныс иелеріне арналған ойындар мен конкурстардан тұратын мерекелік музыкалық концерт ұсынды.
