Басты мәселе – «Орталық Азия» халықаралық өнеркәсіптік кооперация орталығын құру – Сұлтанов
13 Мамыр, 22:45 557

Басты мәселе – «Орталық Азия» халықаралық өнеркәсіптік кооперация орталығын құру – Сұлтанов

Нұр-Сұлтан, BAQ.KZ. Қазақстан Республикасының Сауда және интеграция министрi Бақыт Сұлтанов Өзбекстанның Ауыл шаруашылығы министрі Жамшид Ходжаевпен жұмыс кеңесін өткізді. Бұл туралы министр әлеуметтік желідегі парақшасында жазды.

Өзімнің өзбек әріптесім – Өзбекстанның арнайы өкілі – Өзбекстанның Ауыл шаруашылығы министрі Жамшид Ходжаевпен жұмыс кеңесін өткіздік. Өткен жылы мен сіздерге хабарлағанымдай, мемлекет басшыларының келісімі бойынша біз экономикалық ынтымақтастықты тереңдету жөніндегі елдеріміздің арнайы өкілі болып тағайындалдық. Біздің қазіргі онлайн кездесуіміздің негізгі күн тәртібі екі ел президенттерінің өткен аптада телефон арқылы жасалған келісімдерді жүзеге асыру. Сондай-ақ бұрын қабылданған шешімдер бойынша дәстүрлі «сағаттарды синхрондау» мәселелері болды.

Бақыт Сұлтанов жұмыс кеңесіндегі басты мәселе – «Орталық Азия» халықаралық өнеркәсіптік кооперация орталығын құру екендігін жазды. 

Басты мәселе – «Орталық Азия» халықаралық өнеркәсіптік кооперация орталығын құру барысы. Қазір біз инвесторлармен белсенді жұмыс істеп жатырмыз. Болашақ ХӨКО аумағында құрылыс материалдарын, фармацевтика, тамақ өнеркәсібі өнімдерін өндіруді ашуға дайын бизнес бар. Енді біздің бірлескен міндетіміз – ХӨКО қызметін реттеудің заңды негізін қалыптастыру. Біз тиісті үкіметаралық келісімді пысықтаймыз.

Өткен жылы біз Ташкентпен агрологиялық мәселелер бойынша белсенді жұмыс жасадық. Біздің бизнесіміз дехканда ауыл шаруашылығы өнімдерін шоғырландыру және оны кейіннен ҚР-ға және экспортқа жеткізу үшін КТО және АЛО салуды жоспарлау болып отыр. Ходжаев мырза осы инвестициялық жобаларды іске асырудың техникалық мәселелерін талқылады. Тағы да қазақстандық АЛО құруды жеделдетуге көршілердің мүдделілігі туралы әріптестерімнің растауын алдым. Біздің кәсіпкерлер келесі аптада құрылыс мәселелерін пысықтау үшін Өзбекстанға қайта келеді деп уағдаласты.

Жол бойында ерте көкөністердің форвардтық келісімшарттарының талаптары талқыланды. Фермерлер егін егу кезеңінде бағаны белгілеуге онша қызығушылық танытпайды – қазір азық-түлік тауарларының әлемдік бағасы ай сайын рекорд орнатып жатыр. Қазір, әлемде азық-түліктің бағасы құбылып, рекордтық көрсеткішке де жетті. Дегенмен, үкіметтің нақты міндеті – азық-түлік қауіпсіздігін қамтамасыз ету. Біз тиісті мемлекеттік органдар мен ұйымдардың мердігерлік жұмысына белсендірек жәрдемдесуге келістік.

Біз көптеген жылдар бойы талқылап келе жатқан тағы бір мәселе – шыққан елінің ережелері. Өзбек тарапы 1993 жылғы ережелерді қолданады, біз 2009 жылғы құжатпен жұмыс жасаймыз. Қазір ЕСА жұмысы аясында бұл мәселе өзекті болып табылады.Осы мәселемен бірге экспорт-импорт айналымының басқа да мәселелері сөз болды. Екі ел Президенттерінің тапсырмасы бар – ол жақын арада тауар айналымын $10 млрд дейін арттыру. Қойылған міндеттерді іске асыруды қамтамасыз ету үшін өзара сауданы барынша оңайлату қажет.

Министр өзбек әріптесімен келесі кездесуді демалыс күндері өткізетінін айтты.


Фото: дереккөз
Загрузка...