Бас прокуратура Садыр Жапаровты жауап алуға шақырды

Бас прокуратура Садыр Жапаровты жауап алуға шақырды
669

Нұр-Сұлтан, BAQ.KZ. Қырғызстан президенті Садыр Жапаров жауап алу үшін елдегі Бас прокуратураға шақырту алды, деп хабарлады Sputnik Қырғызстан ведомствоның баспасөз қызметіне сілтеме жасап.

Қырғыздардың мемлекет басшысы 2010 жылдың маусымында елде болған оқиғаға қатысты сұрақтарға жауап береді.

Біраз бұрын Қырғызстанның министрлер кабинеті төрағасының орынбасары – Мемлекеттік ұлттық қауіпсіздік комитетінің басшысы Камшыбек Ташиевтен жауап алынған.

Бұған дейін хабарлағандай, 2010 жылдың маусымында қырғыз елінде болған оқиғаға қатысты қылмыстық іс қайта қаралып жатыр. Ол кезде Ош пен Жалал-Абад облыстарында халықаралық қақтығыс болып, жүздеген адам көз жұмды.


Фото: ашық дереккөз